Quba MKS-in Uşaq Şöbəsinə yeni kitablar gətirilib

26 2018 11:03

Mütaliəni sevən məktəblilər  hər zaman yeni əsərlər oxumağa çalışır. Həmin dostlarımıza xoş xəbərimiz var. Belə ki, Quba rayon Mərkəzi kitabxanasına yeni kitablar gətirilib. Təkcə bu ilin səkkiz ayı ərzində fonda 1216  nüsxə kitab daxil olub. Hazırda kitabxananın uşaq şöbəsinin fondunda 15 mindən artıq kitab var. Bunlardan 2467-si rus, 972 – si ingilis, 8248-i isə  azərbaycan dilində çap  olunan ədəbiyyatlardır. Kitabxanaçı Hürüyə Sultanova deyir ki, uşaqlar əsasən fantastik janrda yazılan ədəbiyyatlara üstünlük verir. Artıq fəal oxucular, kitabxananın xidmətlərindən istifadə edərək maraqlı kitablar mütaliə ediblər. Bu ilin səkkiz ayı ərzində 1463 oxucu kitabxananın xidmətlərindən yararlanıb.